Talu am addasiadau rhesymol

Os yw rhywbeth yn addasiad rhesymol, rhaid i chi dalu amdano fel y cyflogwr. Gellir ystyried cost addasiad wrth benderfynu a yw'n rhesymol ai peidio.

Fodd bynnag, mae gan y llywodraeth gynllun o'r enw Mynediad i Waith a all helpu person y mae ei iechyd neu anabledd yn effeithio ar ei waith trwy roi cyngor a chefnogaeth iddynt. Gall Mynediad i Waith helpu gyda chostau ychwanegol na fyddai'n rhesymol i gyflogwr neu ddarpar gyflogwr eu talu.

Er enghraifft, gallai Mynediad i Waith dalu tuag at y gost o gyrraedd y gwaith os na all y person anabl ddefnyddio trafnidiaeth gyhoeddus, neu am gymorth gyda chyfathrebu mewn cyfweliadau am swyddi.

Mae’n bosibl y bydd person yn gallu cael cyngor a chymorth gan Fynediad i Waith os yw:

• mewn swydd gyflogedig
• yn ddi-waith ac ar fin dechrau swydd
• yn ddi-waith ac ar fin dechrau Treial Gwaith
• hunangyflogedig, a
• mae eu hanabledd neu gyflwr iechyd yn eu hatal rhag gallu gwneud rhannau o'u swydd.

Sicrhewch fod eich gweithiwr yn gwybod am Fynediad i Waith. Er bod y cyngor a’r cymorth yn cael eu rhoi i’r gweithiwr ei hun, mae’n amlwg y byddwch chi’n elwa hefyd.