Newidiadau i bolisïau a'r ffordd rydych chi'n gwneud pethau fel arfer

Mae'r gofyniad cyntaf yn ymwneud â newid y ffordd y caiff pethau eu gwneud (mae cyfraith cydraddoldeb yn sôn am ble mae gweithiwr swydd anabl yn cael ei roi dan anfantais sylweddol gan ddarpariaeth, maen prawf neu arfer eu cyflogwr).

Mae hyn yn golygu edrych i weld a oes angen i chi newid rhai polisïau ysgrifenedig neu anysgrifenedig, a/neu rai o’r ffyrdd yr ydych fel arfer yn gwneud pethau, i ddileu neu leihau rhwystrau a fyddai’n rhoi person anabl dan anfantais sylweddol, er enghraifft, drwy eu hatal rhag gallu gweithio i chi neu eu hatal rhag cymryd rhan lawn yn y gwaith.

Mae hyn yn cynnwys eich meini prawf ar gyfer dyrchafiad neu hyfforddiant, buddion, amodau gwaith a threfniadau cytundebol.