Cyfamod Rhyngwladol ar Hawliau Sifil a Gwleidyddol (ICCPR)

Mae ICCPR yn gytuniad hawliau dynol rhyngwladol a fabwysiadwyd ym 1966. Cytunodd y DU i ddilyn ICCPR ym 1976. Mae’n galluogi pobl i fwynhau ystod eang o hawliau dynol, gan gynnwys y rhai sy’n ymwneud â:

• rhyddid rhag artaith a thriniaeth neu gosb arall greulon, annynol neu ddiraddiol
• hawliau treial teg
• rhyddid meddwl, crefydd a mynegiant
• preifatrwydd, bywyd cartref a theuluol
• cydraddoldeb a pheidio â gwahaniaethu

Archwiliodd y Cenhedloedd Unedig ddiwethaf pa mor dda y mae’r DU yn gweithredu ICCPR ym mis Mehefin 2015 a chyhoeddodd ei argymhellion ym mis Awst 2015. Mae archwiliad nesaf y Cenhedloedd Unedig o’r DU wedi’i drefnu ar gyfer mis Mawrth 2024.

Roedd yr argymhellion ar gyfer y DU o 2015 yn cynnwys:

• gwneud yn siŵr bod unrhyw ddeddfwriaeth a basiwyd i ddisodli Deddf Hawliau Dynol 1998 yn cryfhau amddiffyniadau ar gyfer hawliau dynol yn y DU
• cynnal cydbwysedd digonol rhwng diogelwch cenedlaethol ac atebolrwydd am droseddau hawliau dynol yr honnir iddynt gael eu cyflawni gan Luoedd Prydain dramor
• cryfhau ymdrechion i atal hiliaeth a senoffobia
• cryfhau mesurau i atal trais yn erbyn menywod a merched
• cymryd camau i atal marwolaethau hunan-achosedig a hunan-niweidio oedolion a phobl ifanc sydd yng ngofal y wladwriaeth
• sefydlu terfyn amser ar gadw mewnfudwyr, a sicrhau bod diwygiadau i’r system llwybr carlam dan gadwad yn cydymffurfio’n llawn â chyfraith hawliau dynol rhyngwladol
• adolygu’r cyfreithiau gwyliadwriaeth fel bod unrhyw ymyrraeth â’r hawl i breifatrwydd yn gyfreithiol, yn gymesur ac yn angenrheidiol

Mae’r gwaith rydym wedi’i gynhyrchu fel rhan o’n gwaith monitro ICCPR yn cynnwys:

• cyflwyniadau ar weithrediad y DU o’r ICCPR i lywio archwiliad y Cenhedloedd Unedig sydd ar ddod (Chwefror 2024 a Mawrth 2020)
• datganiad ar gyfer archwiliad cyfnodol y Pwyllgor Hawliau Dynol o’r DU (Mawrth 2024)
• adroddiad dilynol ar adroddiad y Pwyllgor Hawliau Dynol ar y DU (Gorffennaf 2016) ( fersiwn Cymraeg )
• cyflwyniad wedi’i ddiweddaru ar weithrediad y DU o’r ICCPR (Mai 2015)
• cyflwyniad ar weithrediad y DU o’r ICCPR (Gorffennaf 2014)