Confensiwn ar Hawliau’r Plentyn (CRC)

Mae CRC yn gytundeb hawliau dynol rhyngwladol a fabwysiadwyd ym 1989 . Cytunodd y DU i’w ddilyn ym 1991.

Drwy ddilyn CRC, mae’r DU yn cytuno bod yn rhaid i gyrff cyhoeddus ystyried lles gorau’r plentyn wrth wneud unrhyw beth sy’n effeithio ar blant. Mae CRC yn amddiffyn hawliau plant ym mhob rhan o’u bywyd, gan gynnwys eu hawliau i:

• bywyd, goroesiad a datblygiad
• rhyddid rhag trais, camdriniaeth ac esgeulustod
• mynegi eu barn ar faterion sy’n effeithio arnynt, gan gynnwys mewn achosion cyfreithiol
• addysg
• safon byw ddigonol

Mae’r gwaith diweddaraf yr ydym wedi’i gynhyrchu fel rhan o’n gwaith monitro CRC yn cynnwys:

• cyflwyniad i Bwyllgor y CU ar Hawliau’r Plentyn mewn ymateb i Restr y DU o Faterion Cyn Adrodd (Ionawr 2023)
• cyflwyniad i Bwyllgor y CU ar Hawliau’r Plentyn i hysbysu Rhestr Materion y DU Cyn Adrodd (Tachwedd 2020)
• cyflwyniad i Bwyllgor y Cenhedloedd Unedig ar Hawliau'r Plentyn (Ebrill 2016) - fersiwn Gymraeg
• adroddiad dilynol ar adolygiad Pwyllgor y CU o’r DU (Awst 2015)