Beth yw'r Datganiad Cyffredinol o Hawliau Dynol?

Mae’r Datganiad Cyffredinol o Hawliau Dynol yn ddogfen hanesyddol sy’n amlinellu’r hawliau a’r rhyddid y mae gan bawb hawl iddynt.

Hwn oedd y cytundeb rhyngwladol cyntaf ar egwyddorion sylfaenol hawliau dynol.

Gosododd y sylfaen ar gyfer yr amddiffyniadau hawliau dynol sydd gennym yn y DU heddiw.

Roedd yn sail i'r Confensiwn Ewropeaidd ar Hawliau Dynol, a ymgorfforwyd yn ei dro yng nghyfraith y DU gan Ddeddf Hawliau Dynol 1998.

Mae bron pob gwladwriaeth yn y byd wedi derbyn y Datganiad.

Mae wedi ysbrydoli mwy nag 80 o gonfensiynau a chytundebau rhyngwladol, yn ogystal â nifer o gonfensiynau rhanbarthol a chyfreithiau domestig.

Mae wedi bod yn gatalydd ar gyfer gwella amddiffyniadau hawliau dynol i grwpiau fel pobl anabl, pobl frodorol a menywod.

Mae wedi'i chyfieithu i fwy na 360 o ieithoedd.

Mae’r Mesur Hawliau Dynol Rhyngwladol yn enw anffurfiol a roddir i’r Datganiad Cyffredinol o Hawliau Dynol ynghyd â chytundebau hawliau dynol canlynol y Cenhedloedd Unedig:

• Cyfamod Rhyngwladol ar Hawliau Sifil a Gwleidyddol
• Cyfamod Rhyngwladol ar Hawliau Economaidd, Cymdeithasol a Diwylliannol