Pwyllgorau ymgynghorol

Mae'r Pwyllgor Archwilio a Sicrwydd Risg (ARAC) yn cefnogi’r Bwrdd a’r Prif Swyddog Gweithredol (CEO) fel Swyddog Cyfrifyddu, drwy ddarparu cyngor annibynnol priodol a her adeiladol i roi sicrwydd bod:

• trefniadau llywodraethu cyffredinol ar waith ac yn briodol ac yn gweithredu’n effeithiol
• y fframwaith rheolaeth a rheolaeth ariannol yn effeithiol ac wedi ei gefnogi gan ddiwylliant cydymffurfio priodol
• asesu risg a mesurau lliniaru cadarn ac effeithiol a threfniadau wrth gefn wedi’u gwreiddio ac yn gweithredu’n effeithiol mewn prosesau rheoli ariannol ac anariannol, yn unol ag arfer gorau
• adroddiadau ariannol allanol yn ddarbodus, yn gywir, yn briodol ac yn gyson â pholisïau cyfrifyddu’r Llawlyfr Adroddiadau Ariannol (FReM).
• adroddiadau ariannol a pherfformiad mewnol yn amserol, yn ddarbodus, yn briodol ac yn gyson ag adroddiadau ariannol allanol
• sicrwydd archwilio mewnol yn rhoi lefel briodol o gysur i'r Swyddog Cyfrifyddu ac mae'r berthynas â'r Swyddfa Archwilio Genedlaethol yn effeithiol.

Mae ARAC yn cael ei gadeirio gan Gomisiynydd, Kunle Olulode.

Gweler ein cylch gorchwyl ARAC llawn .

Pwrpas y Pwyllgor Pobl a Gweithle (P&WC) yw darparu cyngor strategol, cefnogaeth a her i swyddogion a sicrwydd i'r Bwrdd ar yr holl faterion sy'n ymwneud â phobl, seilwaith a chydnabyddiaeth sy'n effeithio ar gylch bywyd y cyflogai. Mae’n olynu’r Pwyllgor Adnoddau Dynol a Chydnabyddiaeth (HRRC), a ddisodlodd dau bwyllgor blaenorol, y Pwyllgor Adnoddau a’r Pwyllgor Tâl. Mae meysydd ffocws allweddol y P&WC yn cynnwys, ond heb fod yn gyfyngedig i:

• datblygu'r Comisiwn fel 'cyflogwr enghreifftiol' – a'r polisïau, prosesau a mentrau pobl y mae hyn yn eu cwmpasu
• cynhwysiant, amrywiaeth a chydraddoldeb – polisïau, mentrau ac alldro
• strategaeth wobrwyo a dyfarniad cyflog blynyddol (gan gynnwys bylchau cyflog – cynlluniau gweithredu ac alldro)
• polisi rheoli perfformiad, prosesau ac alldro
• rheoli talent a chynllunio olyniaeth
• mentrau ymgysylltu â gweithwyr ac alldro
• strategaethau, polisïau a gwasanaethau seilwaith (TGCh, Lleoliadau ac Ystadau)
• lles cydweithwyr a diwylliant y Comisiwn
• goruchwylio pobl strategol a gweithredol, seilwaith a risgiau llywodraethu gwybodaeth. Gan gynnwys: materion a digwyddiadau, diogelu data, diogelwch gwybodaeth, technoleg gwybodaeth / seiberddiogelwch. (Rhoi sicrwydd i’r Bwrdd ac ARAC, a’i uwchgyfeirio yn ôl yr angen)

Mae P&WC yn cael ei gadeirio gan Gomisiynydd, Caroline Waters OBE .

Gweler ein cylch gorchwyl P&WC llawn .