Llawlyfr llywodraethu

Mae ein llawlyfr llywodraethu yn nodi rolau a chyfrifoldebau’r bwrdd, pwyllgorau, uwch reolwyr a chyrff eraill sy’n gwneud penderfyniadau.

Mae’n amlinellu’r rheolau, cyfrifoldebau, arferion ac ymddygiadau y mae’n rhaid i gomisiynwyr, aelodau pwyllgor a swyddogion eu dilyn.

Mae'n cynnwys:

• dyletswyddau a phwerau a dirprwyaethau'r bwrdd
• rolau a chyfrifoldebau'r bwrdd
• rolau a chyfrifoldebau ein swyddogion (gan gynnwys y Prif Weithredwr, y Grŵp Gweithredol a chyrff eraill sy’n gwneud penderfyniadau)
• ymddygiad a gwrthdaro buddiannau
• datblygiad ac effeithiolrwydd y bwrdd a’i bwyllgorau

Adolygiadau o Effeithiolrwydd y Bwrdd

Fel rhan o'n prosesau llywodraethu arferol, rydym yn comisiynu Adolygiadau o Effeithiolrwydd y Bwrdd. Cynhelir y rhain i hysbysu ein Bwrdd ynghylch a yw'n gweithredu'n effeithiol ac a oes ganddo'r strwythur, prosesau, pobl a pherfformiad i'w cyflawni. Maent yn amlygu lle gellir gwneud gwelliannau ac yn sicrhau bod arfer gorau yn cael ei ddilyn.

Fel rhan o'n hadolygiad parhaus o lywodraethu a thryloywder, rydym bellach yn cyhoeddi'r Adolygiad o Effeithiolrwydd diwethaf y Bwrdd. Cyflawnwyd hyn yn 2022. Rydym yn gwneud cynnydd da o ran gweithredu. Fe'i comisiynwyd yn dilyn penodi Cadeirydd, Prif Swyddog Gweithredol a sawl Comisiynydd newydd.

Roedd yr holl Gomisiynwyr ar y Bwrdd ar y pryd a nifer fach o uwch reolwyr wedi bwydo i mewn i’r adolygiad, a arweiniwyd gan asiantaeth allanol a oedd yn arbenigo mewn llywodraethu’r bwrdd.

Bydd ein Hadolygiad o Effeithiolrwydd Bwrdd nesaf yn cael ei gynnal maes o law.

Mae rhywfaint o wybodaeth yn parhau’n gyfrinachol ac wedi’i golygu o dan adran 36 o’r Ddeddf Rhyddid Gwybodaeth (FOI) ar y sail y byddai ei datgelu yn niweidio materion cyhoeddus. Darllenwch fwy am hyn yma ar wefan Swyddfa’r Comisiynydd Gwybodaeth (ICO). Lle mae gwybodaeth wedi'i golygu yn yr adolygiad, mae hyn wedi'i nodi'n glir yn y ddogfen.

Darllenwch ein Hadolygiad o Effeithiolrwydd Bwrdd (PDF) diwethaf.