Dywedodd llefarydd ar ran y Comisiwn Cydraddoldeb a Hawliau Dynol:
“ Mae gan y Comisiwn Cydraddoldeb a Hawliau Dynol ddyletswydd i orfodi ein cyfreithiau cydraddoldeb ac amddiffyn hawliau dynol.
“Rydym yn ymwybodol o bryderon a ddarlledwyd gan BBC Panorama ar 17 Mehefin, ynglŷn â thriniaeth plant ag anghenion addysgol arbennig ac anableddau yn ysgol annibynnol Life Wirral yn Wallasey. Byddwn yn ystyried y pryderon hyn yn ofalus ac yn cymryd unrhyw gamau priodol.
“Dim ond pan fetho popeth arall y dylid defnyddio ataliaeth mewn ysgolion, a rhaid ei gynnal yn y ffordd fwyaf diogel posibl. Ni ddylid byth ei ddefnyddio am resymau disgyblu neu gyda'r bwriad o niweidio, bychanu, gofidio neu ddiraddio plentyn.
“Mae angen i’n system addysg gefnogi pob plentyn i gyrraedd ei botensial mewn amgylchedd diogel, sy’n dileu gwahaniaethu ac aflonyddu ac yn parchu eu hawliau dynol. ”
Cefndir:
- Mae gwaith diweddar y Comisiwn Cydraddoldeb a Hawliau Dynol ar ataliaeth yn cynnwys cyhoeddi fframwaith hawliau dynol ar gyfer ataliaeth, sy'n nodi egwyddorion ar gyfer defnydd cyfreithlon o ataliaeth, ac ymchwiliad i'r defnydd o ataliaeth mewn ysgolion yng Nghymru a Lloegr.