Sicrhau bod lleoedd cadeiriau olwyn yn flaenoriaeth ar fysiau

A wnaeth y cwmni bysiau fethu â gwneud addasiad rhesymol?

O dan y Ddeddf Cydraddoldeb mae cyfrifoldeb i wneud addasiadau rhesymol lle mae person anabl yn cael ei roi dan anfantais o’i gymharu â pherson nad yw’n anabl o ganlyniad i reol neu bolisi.

Mae tua 1.2 miliwn o ddefnyddwyr cadeiriau olwyn yn y DU ac maent yn wynebu nifer o heriau ychwanegol wrth symud o gwmpas. Roedd yr achos hwn yn gyfle i ni ddatblygu ein cynlluniau i wella trafnidiaeth i bobl anabl.

Roeddem am wneud yn siŵr nad oedd y dyfarniad gwreiddiol, a oedd yn cydnabod yr angen i gael polisïau sy'n caniatáu i bobl anabl fynd o gwmpas yn ddibynadwy ar drafnidiaeth gyhoeddus, yn cael ei wyrdroi. Roeddem hefyd am dynnu sylw at yr heriau y mae pobl anabl yn eu hwynebu wrth ddefnyddio trafnidiaeth gyhoeddus.

Fe wnaethom dalu costau cyfreithiol y dyn, gan ganiatáu iddo amddiffyn yr apêl a chadw'r dyfarniad cynharach.

Cytunodd y llys y dylai defnyddwyr cadeiriau olwyn gael mynediad â blaenoriaeth i leoedd cadeiriau olwyn. Dylai fod gan gwmnïau bysiau bolisïau clir yn eu lle a dylai gyrwyr dderbyn hyfforddiant ar sut i gael gwared ar y rhwystrau sy'n wynebu pobl anabl, gan gynnwys bod yn fwy taer gyda theithwyr eraill.

Fodd bynnag, gwrthododd y dyfarniad y syniad bod gan ddefnyddwyr cadeiriau olwyn hawl absoliwt i'r gofod cadair olwyn ac nid oedd y beirniaid yn argyhoeddedig bod gan deithwyr eraill ddyletswydd statudol i symud.