Llinell gymorth e-bost gyfrinachol wedi'i sefydlu ar gyfer adrodd am ddigwyddiadau aflonyddu McDonald's

“Rydym yn bryderus o glywed am yr honiadau newydd hyn o aflonyddu rhywiol a hiliol.

“​​​​​​​Byddwn yn edrych arnynt yn ofalus yng nghyd-destun ein cytundeb cyfreithiol presennol gyda McDonald’s i fynd i’r afael ag aflonyddu rhywiol ar staff yn ei fwytai.

“Mae McDonald’s wedi gwneud nifer o ymrwymiadau cyfreithiol rwymol i ni y byddwn yn eu monitro, gan gynnwys:

• cyfathrebu agwedd dim goddefgarwch tuag at aflonyddu rhywiol
• cynnal arolwg dienw o weithwyr am ddiogelwch yn y gweithle
• gwella polisïau a gweithdrefnau i atal aflonyddu rhywiol a gwella ymatebion i gwynion
• darparu hyfforddiant gwrth-aflonyddu i gyflogeion
• cyflwyno hyfforddiant a deunyddiau penodol i helpu rheolwyr i nodi meysydd risg yn eu bwytai a chymryd camau i atal aflonyddu rhywiol
• cefnogi’r defnydd o bolisïau a deunyddiau hyfforddi gan ddeiliaid masnachfraint o fewn eu sefydliadau annibynnol i gefnogi adrodd am aflonyddu rhywiol
• monitro cynnydd tuag at amgylchedd gwaith diogel, parchus a chynhwysol

  “O dan Ddeddf Cydraddoldeb 2010, mae cyflogwyr yn gyfreithiol gyfrifol os yw cyflogai yn cael ei aflonyddu’n rhywiol yn y gwaith gan gyflogai arall, os nad yw’r cyflogwr wedi cymryd pob cam posib i’w atal rhag digwydd.”

“Ni ddylai fod unrhyw oddefgarwch tuag at aflonyddu rhywiol mewn unrhyw sefydliad. Rwy’n pryderu am yr adroddiadau newydd hyn o aflonyddu yn McDonald’s, lle mae gennym gytundeb cyfreithiol ar waith i sicrhau bod eu bwytai yn lleoedd diogel i weithio ynddynt.

“Mae McDonald’s wedi ymrwymo i wneud gwelliannau i osod esiampl i eraill ei dilyn, yn y diwydiant lletygarwch ac mewn mannau eraill.

“Mae pob cyflogwr, waeth pa mor fawr neu fach, yn gyfrifol am amddiffyn ei weithlu. Rydym yn benderfynol o barhau i fynd i’r afael ag aflonyddu anghyfreithlon mewn mannau gwaith