Cam Pedwar: Sicrhau bod y cwmni yn ymgysylltu â rhanddeiliaid i lywio’i ymagwedd at fynd i’r afael â risgiau hawliau dynol

Fel rhan o’i sylw dyledus i hawliau dynol, dylai’r cwmni siarad ag ystod eang o randdeiliaid i’w helpu i:

• nodi risgiau ac effeithiau hawliau dynol yn gywir, a gweithredu’n ffeithiol i fynd i’r afael â nhw
• deall sut mae rhanddeiliaid yn canfod y camau a gymera’r cwmni i reoli a lliniaru risgiau ac ôlrhain eu heffeithiolrwydd, ac
• integreiddio’r mewnwelediadau hyn i broses penderfynu ac arferion y cwmni.

Mae mathau gwahanol o randdeiliaid yn cynnig canfyddiadau gwahanol o weithrediadau ac effeithiau cwmni. Maent yn cynnwys:

• pobl a effeithir yn uniongyrchol gan weithgareddau cwmni, megis staff, gweithwyr yn y gadwyn gyflenwi a’u cynrychiolwyr undeb, cymunedau lleol a’u harweinyddion
• arbenigwyr sydd yn deall safbwyntiau a gofidion grwpiau lleol, megis sefydliadau anllywodraethol ac ymchwilwyr.
• arbenigwyr sydd yn deall materion hawliau dynol mewn diwydiant arbennig neu mewn rhanbarthau daearyddol uchel eu risg, megis sefydliadau anllywodraethol cenedlaethol a rhyngwladol ac undebau llafur, a buddsoddwyr sydd yn gyfrifol yn gymdeithasol, cyfreithwyr ac ymgynghorwyr.