Ein gwaith hawliau dynol

Ein gwaith:

Monitro cytuniadau hawliau dynol Cynghori’r Senedd a llywodraethau Traciwr hawliau dynol

Yr hyn a wnawn

Rydym yn gweithredu’n annibynnol i gryfhau deddfwriaeth diogelu hawliau dynol a chydraddoldeb, gan gynnwys:

  • hybu ymwybyddiaeth, dealltwriaeth ac amddiffyniad o hawliau dynol

  • annog awdurdodau cyhoeddus i gydymffurfio â’r Ddeddf Hawliau Dynol

  • amddiffyn y rhai sydd fwyaf mewn perygl o gam-drin hawliau dynol

Sut rydym yn ei wneud

Mae’r ffordd rydym yn gwneud hyn yn cynnwys:

  • herio’r llywodraeth a darparwyr gwasanaethau cyhoeddus os ydynt yn torri hawliau dynol, gan ddefnyddio ein pwerau cyfreithiol

  • monitro’r sefyllfa hawliau dynol ym Mhrydain, yna adrodd ein canfyddiadau a’n hargymhellion i’r Cenhedloedd Unedig, y llywodraeth a’r Senedd

  • adrodd ar gynnydd Prydain o ran diogelu cydraddoldeb a hawliau dynol fel rhan o’n dyletswydd o dan Ddeddf Cydraddoldeb 2006

  • cynghori ar oblygiadau hawliau dynol polisïau a deddfwriaeth arfaethedig, er enghraifft trwy ddarparu briffiau seneddol ac ymateb i ymgynghoriadau’r llywodraeth

Ein gwaith gyda’r Cenhedloedd Unedig (CU)

Rydym yn hyrwyddo, yn monitro ac yn adrodd ar saith cytuniad y Cenhedloedd Unedig a lofnodwyd gan y DU – rhan bwysig o’n rôl fel Sefydliad Hawliau Dynol Cenedlaethol (NHRI).

Rydym hefyd yn bwydo i mewn i'r Adolygiad Cyfnodol Cyffredinol (UPR). Mae hon yn broses adolygu gan gymheiriaid a gynhelir gan Gyngor Hawliau Dynol y CU i asesu’r sefyllfa hawliau dynol ym mhob un o Aelod-wladwriaethau’r Cenhedloedd Unedig.

Fel rhan o’r broses hon, rydym yn rhoi datganiadau i ddylanwadu ar lywodraeth y DU ar faterion hawliau dynol amrywiol.

Rydym hefyd yn helpu sefydliadau cymdeithas sifil i ddeall eu hawliau ac yn eu cefnogi i ymgysylltu â phrosesau hawliau dynol y Cenhedloedd Unedig i fynnu’r hawliau hynny. Rydym yn annog ac yn amddiffyn eu gallu i eiriol dros newid ar lefel ddomestig.

Mae ein hymchwil diweddar gyda Phrifysgol Nottingham yn asesu graddau ymgysylltiad cymdeithas sifil â chytuniadau hawliau dynol y Cenhedloedd Unedig a mecanweithiau adolygu ac, yn hollbwysig, sut y gellir cryfhau'r ymgysylltiad hwn.

Sut mae’r DU yn perfformio o ran hawliau dynol? Offeryn ar-lein yw ein traciwr hawliau dynol i’ch helpu i olrhain pa mor dda y mae’r DU yn rhoi ei dyletswyddau hawliau dynol ar waith. Darllenwch fwy am ein gwaith meithrin gallu, gan gynnwys yr hyfforddiant am ddim rydym yn ei gynnig ar sut i ddefnyddio ein hofferyn traciwr hawliau dynol .