Dywedodd llefarydd ar ran y Comisiwn Cydraddoldeb a Hawliau Dynol:
“Mae’r CCHD wedi argymell yn gyson casglu ac adrodd ar ddata gweithwyr yn ôl ethnigrwydd, anabledd, oedran a rhyw, gan gynnwys ar gyfer recriwtio, cadw a dyrchafu. Bydd hyn yn helpu cyflogwyr i wybod eu bod yn trin eu staff yn deg, ac i roi camau gweithredu ar waith lle bo angen i wella amrywiaeth.
“Ni ddylai mamau o gefndiroedd ethnig lleiafrifol deimlo eu bod yn cael eu gorfodi allan o’r gweithle oherwydd bod ganddynt blant. Mae gweithlu amrywiol o fudd i fusnes.
“Fel arfer gall ystod ehangach o safbwyntiau, sgiliau a phrofiadau o fewn sefydliad arwain at wneud penderfyniadau gwell, mwy gwybodus.
“Gall cymryd camau penodol i wella cydraddoldeb yn y gweithle – megis dileu rhagfarn wrth recriwtio a chynnig gweithio hyblyg ar bob lefel – leihau anfantais, cynyddu cyfranogiad a bod yn dda i enw da ac elw cwmni. Ond yn gyntaf mae angen i gyflogwyr ddeall y rhwystrau penodol i gydraddoldeb yn eu gweithle, gan gynnwys bylchau cyflog yn ôl hil neu ethnigrwydd pobl.”
Nodiadau i Olygyddion:
- Yn 2018 galwodd y EHRC am adroddiadau gorfodol i sefydliadau â dros 250 o weithwyr ar recriwtio, cadw a dyrchafu staff yn ôl ethnigrwydd ac anabledd .
- Canfu ein hadroddiad yn 2016, Healing a Divided Britain , hefyd fod canran sylweddol is o leiafrifoedd ethnig yn gweithio fel rheolwyr, cyfarwyddwyr ac uwch swyddogion o gymharu â phobl Gwyn.
Siaradwch â'n swyddfa wasg
Os ydych yn gweithio yn y cyfryngau, siaradwch â’n swyddfa wasg:
- Yn ystod oriau swyddfa (dydd Llun i ddydd Gwener, 9am i 5pm) cysylltwch â: 0161 829 8102
- Neu anfonwch e-bost at dîm swyddfa'r wasg
- Ar gyfer y tu allan i oriau, parhewch i gysylltu â 0161 829 8102. Nid yw e-byst yn cael eu monitro y tu allan i oriau arferol.
Mae'r rhif ffôn hwn ar gyfer ymholiadau'r cyfryngau yn unig. Ar gyfer pob ymholiad arall, ffoniwch 0161 829 8100, neu e-bostiwch correspondence@equalityhumanrights.com
