Comisiynodd y Gweinidog dros Fenywod a Chydraddoldebau arbenigwr cyfreithiol annibynnol i adolygu’r modd yr ymdriniwyd â chwynion yn erbyn Cadeirydd y Comisiwn, y Farwnes Kishwer Falkner. Cydweithiodd y Comisiwn yn llawn â’r adolygiad ac mae ei Fwrdd bellach wedi ystyried canllawiau sydd wedi deillio ohono.
Yng ngoleuni’r casgliadau a’r canllawiau a rannwyd gyda’r Dirprwy Gadeirydd Dros Dro a’r Bwrdd o ganlyniad i’r adolygiad, mae’r Dirprwy Gadeirydd Dros Dro, gyda chefnogaeth y Bwrdd, wedi penderfynu y dylai’r ymchwiliad i’r Cadeirydd ddod i ben yn awr. Bydd y Bwrdd yn gweithio drwy unrhyw faterion sydd heb eu datrys gyda phob parti yn gyfrinachol.
Bydd y Bwrdd hefyd yn cynnal adolygiad llawn o'r methiannau proses a ddigwyddodd yn ogystal ag adolygiad o'i reolau a'i lywodraethu ei hun i weithredu unrhyw newidiadau angenrheidiol.
Dywedodd y Farwnes Kishwer Falkner, Cadeirydd y Comisiwn Cydraddoldeb a Hawliau Dynol:
“Rwy’n ddiolchgar o weld diwedd ar yr ymchwiliad hwn i honiadau di-sail yn fy erbyn.
“Rwyf hefyd yn arbennig o ddiolchgar am y gefnogaeth a’r anogaeth a gefais, ers i’r ymchwiliad i honiadau yn fy erbyn gael ei ddatgelu gyntaf. Rwyf wedi mwynhau gwasanaeth cyhoeddus ar hyd fy oes ac yn parhau i wneud hynny gydag egni a phenderfyniad.
“Mae’r EHRC – ein Bwrdd, pwyllgorau, tîm gweithredol a staff – yn unedig yn ein ffocws ar ddiogelu a hyrwyddo cydraddoldeb a hawliau dynol pawb. Nawr bod y materion hyn yn dod i gasgliad, rwy’n gobeithio y byddwn yn cael yr amser a’r lle sydd eu hangen i ailosod ac adnewyddu ein hymdrechion i gyflawni dros bobl Prydain.
“Rwyf am roi sicrwydd i’n staff, ein rhanddeiliaid ac aelodau’r cyhoedd y byddwn yn dysgu gwersi o’r digwyddiadau a arweiniodd at yr adolygiad hwn ac yn ymrwymo i wneud yr holl welliannau angenrheidiol. Bydd gwelliannau o'r fath yn gwasanaethu'r Comisiynwyr a'r staff yn well yn y dyfodol.
“Mae'r sefydliad wedi bod yn mynd trwy raglen drawsnewid, i gymryd camau cliriach a mwy mesuradwy fel rheoleiddiwr cyfraith cydraddoldeb y wlad. Ein staff yw'r elfen bwysicaf o gyflawni'r newid hwn. Rwy’n falch bod y rhan fwyaf wedi cofleidio’r daith gyda ffocws clir ar y nod terfynol – dod yn rheolydd cydraddoldeb dibynadwy sy’n gwasanaethu pawb.
“Rwy’n parhau i ganolbwyntio’n llwyr ar y swydd roeddwn i’n bwriadu ei gwneud: hyrwyddo cyfle cyfartal a diogelu hawliau dynol pawb ym Mhrydain.”
Dywedodd Lesley Sawers, Dirprwy Gadeirydd Dros Dro y Comisiwn Cydraddoldeb a Hawliau Dynol:
“Fel Bwrdd rydym wedi ymrwymo'n fawr i ddysgu a chymryd camau gweithredu i sicrhau bod cwynion yn cael eu trin yn gyflym ac yn briodol yn y dyfodol.
“Rydym am symud ymlaen fel sefydliad cryf ac unedig, i gyflawni ein hagenda uchelgeisiol fel rheolydd cydraddoldeb Prydain.”
Nodiadau i olygyddion
Ym mis Gorffennaf 2023 comisiynodd y Gweinidog dros Fenywod a Chydraddoldebau arbenigwr annibynnol i ystyried yn benodol:
- beth sy'n ofynnol gan reolau'r EHRC wrth ymdrin â chwynion yn erbyn Cadeirydd a phwy ddylai wneud beth;
- a yw'r ymchwiliad wedi'i gynnal yn briodol o dan reolau perthnasol y Comisiwn;
- a yw - ac ym mha ffordd - y casgliadau o ymchwiliad y Comisiwn i'r gollyngiadau yn berthnasol i'r ymchwiliad sy'n mynd rhagddo;
- yr hyn sy'n ofynnol yn ôl rheolau'r EHRC ar gyfer cynnal yr ymchwiliad i gwynion yn erbyn y Cadeirydd, a rolau priodol y rhai dan sylw;
- pa opsiynau sy'n bodoli ar gyfer bwrw ymlaen â'r ymchwiliad yn y cyd-destun presennol; a
- unrhyw opsiynau i’r Ysgrifennydd Gwladol eu hystyried mewn perthynas â hyn.
Siaradwch â'n swyddfa wasg
Os ydych yn gweithio yn y cyfryngau, siaradwch â’n swyddfa wasg:
- Yn ystod oriau swyddfa (dydd Llun i ddydd Gwener, 9am i 5pm) cysylltwch â: 0161 829 8102
- Neu anfonwch e-bost at dîm swyddfa'r wasg
- Ar gyfer y tu allan i oriau, parhewch i gysylltu â 0161 829 8102. Nid yw e-byst yn cael eu monitro y tu allan i oriau arferol.
Mae'r rhif ffôn hwn ar gyfer ymholiadau'r cyfryngau yn unig. Ar gyfer pob ymholiad arall, ffoniwch 0161 829 8100, neu e-bostiwch correspondence@equalityhumanrights.com
