Herio aflonyddu rhywiol a homoffobia yn y diwydiant lletygarwch

A oes dyletswydd y gellir ei gorfodi'n gyfreithiol ar gyflogwyr i atal aflonyddu ar weithwyr benywaidd ifanc?

Roedd yr achos yn ymwneud â honiadau gan gyn-weithiwr benywaidd ifanc a ddioddefodd achosion cyson o aflonyddu rhywiol tra'n gweithio fel cynorthwyydd cegin a gweinyddes yn nhafarn y Fuller's. Bu'r gweithiwr yn destun sylwadau homoffobig a misogynistig gan gynnwys sylwadau am ei hymddangosiad a'i phartner dros gyfnod estynedig o amser tra roedd yn gweithio yn un o dafarndai'r Fuller's.

Honnir, pan gwynodd am y sylwadau, ar ôl eu dioddef am rai misoedd, bu’n destun ymddygiad a sylwadau difrïol pellach.

Rydym yn gweithio i atal aflonyddu ar weithwyr ac yn amlygu achosion lle mae cyflogwyr yn methu â chymryd camau rhesymol i atal eu staff.

Darparom gyllid ar gyfer yr hawliad tribiwnlys cyflogaeth.

Daethpwyd i gytundeb setlo a oedd yn cynnwys ymddiheuriad i'r hawlydd am yr ymddygiad a brofodd yn ystod ei chyfnod gyda'r cwmni. Mae Fuller's hefyd wedi cytuno i roi hyfforddiant aflonyddu rhywiol gorfodol ar waith ar gyfer staff cegin a blaen tŷ ar draws eu rhwydwaith cenedlaethol o dafarndai.

Dywed y mwyafrif helaeth o staff bar a staff gweini eu bod naill ai wedi profi neu wedi gweld ymddygiad rhywiol amhriodol, ac nad ydynt yn cael cymorth gan reolwyr i fynd i’r afael ag ef. Mae’r achos hwn wedi codi amlygrwydd y mater, a’r canlyniadau i gyflogwyr os nad ydynt yn delio ag ef.

Mae Fuller's bellach wedi ymrwymo i gymryd camau i sicrhau bod eu gweithwyr yn cael eu diogelu rhag aflonyddu annerbyniol yn y dyfodol. Dylai pob cyflogwr ddilyn yr enghraifft hon a sicrhau eu bod yn cydnabod ac yn mynd i'r afael â'r mater.

Darllenwch fwy am yr achos yma .