Gweithio hyblyg: sut i greu a hyrwyddo diwylliant hyblyg

Beth yw gweithio hyblyg?

Trefniant gweithio yw gweithio hyblyg sydd yn rhoi rhywfaint o hyblygrwydd ar faint, ble, pryd ac ar ba amseroedd y bydd cyflogeion yn gweithio.

Gall yr hyblygrwydd ymwneud â: 

• amser gweithio (er enghraifft, rhan amser, amser hyblyg)
• man gweithio (megis gweithio o adref)
• y patrwm gweithio (er enghraifft, rhannu swydd)

Pam rydym yn annog cyflogwyr i gynnig arferion gweithio hyblyg?

Mae opsiynau gweithio hyblyg yn ddeniadol i lawer o gyflogeion. Canfu’n hymchwil fod mwy na dau draean o famau (68%) wedi gofyn am o leiaf un math o arfer gweithio hyblyg, gyda’r rhan fwyaf ohonynt wedi’u caniatáu.

Fodd bynnag, ni ofynnodd mwy na thraean o fenywod, y cafodd eu cais ei ganiatáu, am yr hyblygrwydd y dymunent oherwydd y byddai, yn eu tyb nhw’n cael ei ystyried yn negyddol neu na fyddai’n cael ei ganiatáu, tra dywedodd mwy na hanner ohonyn nhw ei fod wedi arwain at ganlyniadau negyddol.

I wneud busnesau y gorau y gallant fod i fenywod beichiog a mamau newydd, rydym yn annog fwy o gyflogwyr i fod yn agored a thryloyw am eu hopsiynau gweithio hyblyg ac i’w hybu yn ystod recriwtio.

Yr awgrymau gorau ar gyfer cynnig gweithio hyblyg

• pan yn briodol, hysbyswch swyddi fel rhai sy’n agored i weithio hyblyg a hyrwyddwch ystod eang o arferion gweithio hyblyg
• treialwch ffyrdd newydd o weithio
• byddwch yn dryloyw a chlir am y mathau o weithio hyblyg y mae’r sefydliad wedi’u hystyried, eu cynnig a’u caniatáu
• dathlwch ac arddangos enghreifftiau lle bo gweithio hyblyg yn llwyddiannus