Ymchwiliad: a yw’r BBC yn talu menywod a dynion yn gyfartal am waith cyfartal?

Gwnaethom edrych ar sampl o gwynion cyflog ffurfiol ac anffurfiol a godwyd gyda'r BBC gan staff o 1 Ionawr 2016. Gwnaethom hefyd edrych ar y systemau a'r prosesau a ddefnyddiwyd gan y BBC ar gyfer pennu cyflogau ac asesu cwynion.

Roeddem am ddarganfod a fu gwahaniaethu anghyfreithlon o ran cyflog yn erbyn menywod ac a oedd cwynion wedi'u datrys yn ddigonol.

Darllenwch y cylch gorchwyl llawn.

Yn dilyn cwynion nad oedd gweithwyr benywaidd yn cael eu talu’r un faint â dynion am waith cyfartal, rhoddodd y BBC lawer iawn o wybodaeth i ni yn wirfoddol am ei bolisïau a’i arferion cyflog.

Ar ôl edrych ar yr holl wybodaeth, roeddem yn amau nad oedd rhai menywod yn y sefydliad wedi derbyn cyflog cyfartal am waith cyfartal.

Defnyddiwyd ein pwerau o dan y Ddeddf Cydraddoldeb i agor ymchwiliad.

Ni welsom unrhyw wahaniaethu anghyfreithlon o ran cyflog yn yr achosion a ddadansoddwyd gennym yn ystod ein hymchwiliad. Ond fe wnaethom nodi rhai meysydd lle gall y BBC wneud gwelliannau i ailadeiladu ymddiriedaeth gyda menywod yn y sefydliad a chynyddu tryloywder o ran gwneud penderfyniadau a chyfathrebu.

Rydym wedi cyhoeddi adroddiad am ein canfyddiadau, gan gynnwys ein hargymhellion ar gyfer newid.