Canllawiau technegol ar Ddyletswydd Cydraddoldeb y Sector Cyhoeddus: Cymru

Diweddarwyd y canllawiau hyn ym mis Ebrill 2023.

Mae Deddf Cydraddoldeb 2010 (y Ddeddf) yn cynrychioli penllanw blynyddoedd o ddadlau ynghylch sut i wella cyfraith cydraddoldeb Prydain. Mae'n cynnig amddiffyniad cryfach i unigolion rhag gwahaniaethu. Mae’r Ddeddf hefyd yn rhoi mwy o eglurder i gyflogwyr a busnesau ynghylch eu cyfrifoldebau, ac mae’n gosod disgwyliad newydd bod yn rhaid i wasanaethau cyhoeddus drin pawb ag urddas a pharch.

Mae gan y Comisiwn Cydraddoldeb a Hawliau Dynol rôl allweddol i’w chwarae wrth ddod â’r Ddeddf yn fyw. Rydym wedi ymrwymo i’n gweledigaeth o Brydain fodern lle mae pawb yn cael eu trin ag urddas a pharch, ac mae gennym oll gyfle cyfartal i lwyddo.