Meithrin cysylltiadau da: arweiniad i ysgolion

Enghraifft o arfer da: bwlio

Mae ysgol gynradd yn pryderu y gallai fod problem gyda bwlio homoffobig oherwydd bod bachgen ym mlwyddyn pedwar yn cael ei fwlio am fod â rhieni o'r un rhyw. O ganlyniad, mae'r pennaeth yn gofyn i bob athro adrodd am achosion o fwlio homoffobig a galw enwau.

Mae gwybodaeth a gasglwyd gan yr ysgol yn dangos bod galw enwau homoffobig yn fwyaf cyffredin ym mlynyddoedd pedwar, pump a chwech. Mae'r pennaeth yn gofyn i staff yr ysgol ymchwilio i adnoddau cwricwlwm a strategaethau ystafell ddosbarth i leihau a dileu'r ymddygiad homoffobig hwn.

Yn y cyfamser, mae'r ysgol yn trefnu i siarad â rhieni'r holl blant dan sylw. Cânt eu hatgoffa o'r hyn y mae'r ysgol yn ei ddisgwyl o ran urddas a pharch ac ymddygiad gan ddisgyblion.

Gosodir ffiniau clir ar gyfer disgyblion y canfyddir eu bod yn bwlio disgyblion eraill, a rhoddir cymorth i'r rhai sy'n cael eu heffeithio gan fwlio. Yna mae'r ysgol yn cyflwyno cynlluniau newydd i ddileu bwlio yn yr ysgol. Mae'n canolbwyntio ar flynyddoedd pedwar, pump a chwech oherwydd mae'n gwybod mai dyma lle mae'r broblem fwyaf. Mae'n adolygu strategaeth a pholisi gwrth-fwlio'r ysgol. O ganlyniad, mae ganddynt lai o achosion o fwlio homoffobig.

Enghraifft o arfer da: hyrwyddo goddefgarwch a pharch at wahanol gredoau

Mae gan academi canol dinas lawer o ddisgyblion o ystod o gefndiroedd ethnig gwahanol. Mae am leihau a dileu tensiynau crefyddol, sy'n cael eu hysgogi gan densiynau yn y gymuned ehangach. I wneud hyn mae’r ysgol yn gweithio mewn partneriaeth â disgyblion, rhieni, arweinwyr cymunedol ac ysgolion lleol eraill.

Mae cynnal trafodaethau gyda’r grwpiau hyn yn helpu’r ysgol i gyflwyno ystod o gamau gweithredu i hyrwyddo goddefgarwch a pharch at wahanol gredoau, gan gynnwys:

• trefnu gwasanaethau am gysylltiadau da
• gefeillio ag ysgolion eraill fel bod disgyblion yn gallu cyfarfod a chyfnewid profiadau gyda phlant o gefndiroedd gwahanol
• cryfhau ymddygiad a pholisïau gwrth-fwlio i leihau tensiynau rhwng gwahanol grwpiau o ddisgyblion
• gweithio ar agweddau o’r cwricwlwm sy’n hybu goddefgarwch a chyfeillgarwch a rhannu dealltwriaeth o ystod o grefyddau neu ddiwylliannau.

Enghraifft o arfer da: defnyddio data yn effeithiol

Mae ysgol uwchradd yn defnyddio data cyrhaeddiad unigol ac arsylwadau o wersi i’w helpu i ddeall y materion sy’n effeithio ar ddisgyblion o leiafrifoedd ethnig. Mae’r dystiolaeth hon yn helpu staff i nodi beth sy’n atal disgyblion o leiafrifoedd ethnig rhag cymryd rhan mewn gweithgareddau allgyrsiol a rhyngweithio â disgyblion y tu allan i’w grŵp ethnig eu hunain.

Bellach mae gan yr ysgol sylfaen dystiolaeth. Mae'n defnyddio hwn ynghyd â phrofiadau a rennir mewn cyfarfodydd penaethiaid ag ysgolion lleol eraill. O ganlyniad, mae’r ysgolion yn penderfynu rhannu eu hadnoddau i greu cymorth iaith Saesneg newydd i ddisgyblion lleol nad ydynt yn siarad Saesneg fel iaith gyntaf.

O ganlyniad, mae cyfraddau presenoldeb a chyrhaeddiad y disgyblion hyn yn gwella’n sylweddol. Mae hefyd yn eu helpu i integreiddio â chymuned yr ysgol y tu mewn a'r tu allan i wersi.