Datganiad EHRC ar Higgs v Ysgol Farmor

“Mae’r apêl hon yn ymwneud â’r Ddeddf Cydraddoldeb a’r Ddeddf Hawliau Dynol, yn ogystal â’r berthynas rhwng y ddau.

“Fel rheoleiddiwr cydraddoldeb Prydain a Sefydliad Hawliau Dynol Cenedlaethol, fe wnaethom ymyrryd yn Higgs v Ysgol Farmor i roi cyngor arbenigol diduedd i’r Llys Apêl ar ddehongli a chymhwyso’r ddwy Ddeddf hyn yn gywir.

“Rydym yn disgwyl y bydd yr achos nodedig hwn yn gosod cynsail ar gyfer achosion yn y dyfodol sy’n ymwneud â chredoau gwarchodedig yn y gweithle, yn enwedig lle mae’r credoau hynny’n croestorri â nodweddion gwarchodedig eraill.

“Mae’r achos hwn hefyd yn arwyddocaol oherwydd bydd yn helpu i sefydlu sut y gall cyflogwyr ymateb – heb wahaniaethu – i’r hyn sy’n ymddangos yn ffenomen gynyddol gyffredin: cwyn trydydd parti lle mae gweithiwr wedi cyhoeddi ei farn bersonol ar lwyfan cyfryngau cymdeithasol.

“Mae gan bawb eu credoau eu hunain. Wrth gwrs, mae'r rhyddid gwerthfawr rydyn ni i gyd yn ei fwynhau yn dod â chyfrifoldeb i'w harfer yn ofalus. Ond mae’n hanfodol i’n democratiaeth fod pawb yn gallu arddel a mynegi eu credoau eu hunain yn unol â’r gyfraith.

“Yn yr EHRC mae’n ddyletswydd arnom i atal gwahaniaethu a sefyll dros hawliau pawb. Edrychwn ymlaen at ddyfarniad y Llys yn yr apêl hon a’r eglurder a ddaw i’r gyfraith yn y maes hwn.”